ཞབས་བརྟན་གསོལ་འདེབས།

༡༽ ཨཱྃ་སྭ་སྟི། །དཀར་གསལ་ཀུན་མཛེས་ཡིད་འོང་གཞོན་ནུའི་གར། །ཚེ་ཡི་མཆོད་སྦྱིན་ཀུན་སྩོལ་ལྷག་པའི་ལྷ། །དུས་མིན་སྐྱེ་འཆི་མ་ལུས་འཇོམས་མཛད་མ། །ཚེ་ཡི་ལྷ་མཆོག་ཚེ་དཔག་མེད་པས་སྐྱོོངས། །
༢༽ རྒྱལ་ཀུན་ཐུགས་རྗེས་ལས་འཁྲུངས་མི་ཡི་ཚུལ། །སྲིད་གསུམ་སྐྱེ་བོ་ཀུན་གྱི་གཙུག་གི་ནོར། །བྷོ་ཊའི་ལྗོངས་ན་དགེ་བའི་བཤེས་སུ་སྟོན། །ངེས་དོན་འདུལ་འཛིན་ཆེན་པོར་ཞབས་བརྟན་ཤོག །
༣༽ ཆུང་ནས་གཞུང་མང་ཐོས་པའི་རབ་ཕྱུག་ཅིང་། །གཞུང་དོན་ཚུལ་བཞིན་བསམ་དང་སྒོམ་པ་ཡི། །ཉམས་རྟོགས་མཁྱེན་པའི་དཔལ་ཡོན་རྫོགས་མཛད་པའི། །སྐྱེས་མཆོག་འགྲོ་བའི་མགོན་པོར་ཞབས་བརྟན་ཤོག །
༤༽ ཀུན་བཟང་སྤྱོད་པས་འགྲོ་ཀུན་དྭངས་བ་འདྲེན། །མཁྱེན་བརྩེའི་མཐའ་བྲལ་འཇམ་དབྱངས་རྗེས་སུ་བསྙེག ། བརྩོན་འགྲུས་སྦྱིན་སོགས་བྱང་ཆུབ་སེམས་པ་དངོས། །བརྩེ་ཆེན་རྗེ་བཙུན་བླ་མར་ཞབས་བརྟན་ཤོག །
༥༽ མདོ་སྔགས་རྒྱུད་སྡེའི་གཞུང་ལུགས་ཀུན་ལ་མཁས། །སླབས་གསུམ་འདུལ་ཁྲིམས་གཙང་མའི་ཡལ་འདབ་བཙུན། །འགྲོ་ཀུན་ཕན་བདེའི་ཞི་དུལ་སྤྱོད་པ་བཟང་། །བསྟན་འགྲོའི་དཔལ་མགོན་ཆེན་པོར་ཞབས་བརྟན་ཤོག །
༦༽ འཆད་པས་རྒྱལ་བསྟན་ཉི་འོད་བཞིན་དུ་གསལ། །རྩོད་པས་བསྟན་ལ་ལོག་སྨྲའི་སྤོབས་པ་བཅོམས། །རྩོམ་པས་གསུང་རབ་ཀུན་གྱི་ཕྱི་མཐའ་བསྲིངས། །ངེས་དོན་བསྟན་འཛིན་ཆེན་པོར་ཞབས་བརྟན་ཤོག །
༧༽ སྣང་གསུམ་རྒྱུད་གསུམ་གསང་སྔགས་རིམ་པའི་གནད། །རྩ་ཐིག་རླུང་ཁམས་གྲོལ་བའི་ཕྱག་རྒྱ་ཆེ། །སྐུ་བཞིའི་ཡེ་ཤེས་མངོན་གསུམ་བརྙེས་མཛད་པའི། །ཁྱབ་བདག་འཁོར་ལོའི་མགོན་པོ་ཞབས་བརྟན་ཤོག །
༨༽ ཐུབ་བསྟན་སྤྱི་དང་བློ་བཟང་གྲགས་པའི་ལུགས། །བཤད་སྒྲུབ་ལས་ཀྱི་འཁོར་ལོ་ཕྱོགས་བརྒྱར་སྤེལ། །ལུང་རྟོགས་བསྟན་པའི་འོད་སྣང་གསལ་མཛད་པའི། །བཙུན་མཆོག་རྟ་བདུན་དབང་པོར་ཞབས་བརྟན་ཤོག །
༩༽ བསླུ་མེད་སྐྱབས་གསུམ་ཀུན་འདུས་བྱིན་ཆེན་དང་། །རྟེན་འབྱུང་ངང་ཚུལ་བསམ་མི་ཁྱབ་པའི་མཐུ། །བླ་སློབ་དད་དམ་འགྱུར་མེད་བདེན་སྟོབས་ཀྱིས། །སྨོན་པའི་དོན་ཀུན་གེགས་མེད་འགྲུབ་གྱུར་ཅིག །
ཅེས་པ་འདི་ནི་མཁར་ནང་སོ་མཁན་ཟུར་རིན་པོ་ཆེ་རྗེ་འཇམ་དབྱངས་བརྩོན་འགྲུས་མཆོག་དགུང་གྲངས་བདུན་ཅུ་དོན་གཉིས་ལ་ཕེབས་ཤིང་ཕྱི་ལོ་དགུང་སྐེག་ཁེལ་བས་སྐུའི་གསུང་གསུམ་ལ་འགལ་རྐྱེན་གྱི་ཆ་ཕྲ་མོ་ཙམ་ཡང་མ་རེད་པར་བསྟན་པ་དང་འགྲོ་བའི་དོན་དུ་སྐུ་འཚོ་བཞུགས་ཡོང་བར་མཆོག་གསུམ་ལ་གསོལ་བཏབ་ཀྱིས་ཞབས་བརྟན་གསོལ་འདེབས་སུ་སྨྲོས་པའོ། མཁར་ནང་སོ་དགོན་གྱི་གྲྭ་མཐར་འཛིན་པ་གྱི་ན་བ་བསྟན་འཛིན་རབ་དགའ་པས་དད་གུས་དང་བཅས་སྨྲོས་པ་འདིའི་ཀྱང་བསྟན་འགྲོའི་ཕན་བདེ་ཡུན་རིང་དུ་གནས་པའི་རྒྱུ་གྱུར་ཅིག